Sefydliad: Cyngor Bwrdeistref Sirol Merthyr Tudful

Rôl: Cyfarwyddwr Addysg

Cyflog: Prif Swyddogion/Cyfarwyddwyr Band B £93,396 – £105,780 (ynghyd â lwfans cyflog o £3,790 y flwyddyn ar gyfer dyletswyddau statudol ychwanegol)

Lleoliad: Merthyr Tudful

Gweithio gyda’n gilydd dros Ferthyr Tudful

Cyfle cyffrous a phrin i ymuno â thîm angerddol, cydweithredol a blaengar, sy’n ymroddedig i ddarparu gwasanaethau addysg eithriadol sy’n adlewyrchu ac yn cefnogi ein cymunedau.

Efallai mai Bwrdeistref Sirol Merthyr Tudful yw’r awdurdod lleol lleiaf yng Nghymru, ond rydym yn fawr o ran uchelgais, arloesedd ac effaith. Oherwydd ymddeoliad arfaethedig ein deiliad swydd presennol ym mis Ebrill 2026, rydym bellach yn chwilio am unigolyn credadwy ac ysbrydoledig i ymgymryd â rôl ganolog Cyfarwyddwr Addysg i arwain ein Cyfarwyddiaeth Dysgu a pharhau â’n taith i fyny wrth godi safonau a dyheadau. Gydag addysg yn brif flaenoriaeth, mae’r rôl strategol hon yn cynnig cyfle i gael effaith barhaol ar fywydau plant a phobl ifanc ledled y fwrdeistref.

Byddwch yn ymuno â Thîm Rheoli Corfforaethol clos ac ymroddedig, gan weithio ochr yn ochr ag arweinwyr ysgolion, aelodau etholedig, a phartneriaid i lunio a chyflawni ein strategaeth addysg. Gyda gwasanaeth gwella ysgolion newydd mewnol, ffocws cryf ar ysgolion sy’n canolbwyntio ar y gymuned, a’r fframwaith TGAU newydd ar y gweill, mae hon yn foment o fomentwm go iawn, ac rydym yn chwilio am rywun a all ein helpu i adeiladu arno.

Ochr yn ochr â’r briff addysg byddwch yn sicrhau cydymffurfiaeth â Safonau’r Gymraeg a deddfwriaeth genedlaethol. Byddwch hefyd yn goruchwylio’r gwasanaeth Llyfrgell statudol a’r Gwasanaeth Amgueddfeydd, ac yn chwarae rhan allweddol wrth ddatblygu’r rhain ymhellach fel rhan o weithrediadau craidd y Cyngor.

Nid yw rôl fel hon yn ymddangos yn aml, felly os oes gennych y profiad, y gwerth a’r weledigaeth i lunio dyfodol addysg ym Mwrdeistref Sirol Merthyr Tudful ymhellach, rydym am glywed gennych.

I gael rhagor o wybodaeth, ewch i (mewnosodwch ddolen i’r wefan) neu siaradwch â’n partneriaid chwilio gweithredol GatenbySanderson: Gary Evans (07809 195 593) neu Duncan Collins (07586 705475)

Dyddiad cau Dydd Gwener 12 Rhagfyr 2025.

Mae’r gallu i siarad Cymraeg yn ddymunol

Mae Cyngor Bwrdeistref Sirol Merthyr Tudful wedi ymrwymo o warchod a diolgelu pobl fwyaf bregus ein cymunedau. Wrth recriwtio a dethol staff byddwn yn cynnal gwiriadau manwl cyn penodi unrhyw un.

Mae’n rhaid i bob gweithiwr, wrth gyflawni eu cyfrifoldebau personol a sefydliadol, gydymffurfio â’r Ddeddf Gwarchod Data, y Polisi Diogelu Gwybodaeth a’r polisïau gweithredol perthnasol eraill.  Ni ddylid datgelu unrhyw fater cyfrinachol wrth berson di-awdurdod neu drydydd parti ar unrhyw achlysur naill ai yn ystod eich cyflogaeth neu wedi i chi adael y swydd.  Yr unig eithriadau yw pan fo disgwyl i chi wneud hynny dan eich amodau gwaith neu pan fo’n ofynnol gan y gyfraith, Cyngor Bwrdeistref Sirol Merthyr Tudful, neu’r ddau.  Fe all dorri cyfrinachedd arwain at gamau disgyblu.

Rydym yn gwerthfawrogi amrywiaeth yn ein gweithlu ac yn ystyried ein hunain fel Cyflogwr o Ddewis, yn ymrwymedig i hyrwyddo ac integreiddio cydraddoldeb i bob agwedd o’n gwaith. Rydym yn croesawu ceisiadau gan bawb ac yn annog ceisiadau gan bob grŵp a chefndir i geisio ac ymuno gyda ni yng Nghyngor Bwrdeistref Sirol Merthyr Tudful. Rydym yn ymroddedig i ddileu gwahaniaethu yn y gweithle ac yn sicrhau nad oes dim gwahaniaethu anghyfreithlon yn digwydd yn y broses recriwtio a dewis ar sail oedran, anabledd, rhyw, hil, cyfeiriadedd rhywiol, priodas neu bartneriaeth sifil, crefydd neu gred, hunaniaeth rhywedd, beichiogrwydd neu famolaeth.